ایڈم پیک سے واپسی پر میرا موڈ اچھا خاصا خراب تھا کیونکہ کچھ دوستوں‌ کی وجہ سے مجھے
ایڈم پیک کی آخری آخری سیڑھیوں سے واپس آنا پڑا تھا – وہ داستان بعد میں سناوں‌ گا – ہمیں اب سری پادا سے واپس کولمبو جانا تھا – میں نے صبح کیمرہ پکڑا اور ہوٹل کے باہر نکلا تو ٹھنڈک تھی – میں نے جا کر جیکٹ پہنی – ہوٹل کے باہر کچھ عورتیں چائے کی پتیاں چن رہی تھیں – پہلے تو میں ان پتیوں کو محسوس کرتا رہا اور جب اس کو سونکھا تو مزہ ہی اگیا – سری لنکا میں بہت چائے کی پتی آگتی بھی ہے اور چائے تیار بھی ہوتی ہے – میں ایک ویڈیو بنا چکا ہوں‌ چائے کی فیکٹری پر- لنک نیچے دے رہا ہوں ۔

 https://www.youtube.com/watch?v=DhU6W2vbGuQ&t=2s

اس کے بعد میں کچھ تصاویر لیں سری پادا کی مقامی لوگوں کی – ہر چہرہ کچھ نہ کچھ بول رہا تھا – اس دن احساس ہوا کہ چہرے بھی بولتے ہیں – آپ کو لگ رہا ہے کہ میں لمبی لمبی چھوڑ رہا ہوں تو خود دیکھ لیجئے

یہ دونوں شاہ رخ‌ کے فین تھے – مجھے کہنے لگے ہماری تصویر شاہ رخ کو بھیج دینا – میں اندر ہی اندر مسکرانے کے علاوہ کچھ اور کر نہیں سکتا تھا – میں نے بھی فل کنفیٹنٹ سے بولا ہاں ضرور – اب سوچتا ہوں خواب دنیا کے ہر کونے میں نرالے ہی ہوتے ہیں ۔

اس اماں کی بہت منت سماجت کی اور یہ انگلش بالکل نہیں جانتی تھی اور ہم بھی کون سے شیکسپئر کی طالب علم تھے – مجھے اماں کی تصویر لینی تھی تو میں نے اماں سے چائے کی پتی خرید لی اور اس کے بعد اماں نے کیا کمال دیکھا کیمرے کو کہ میرا کیمرا بھی اماں کی گن گانے لگا اور ایک ہی کلک پر اماں کی شاندار تصویر میرے کیمرے میں محفوظ ہو گئی ۔ کیا بولا تھا میں– تصویریں بولتی ہیں

یہ منظر کسی تعریف کا محتاج نہیں – اسکو دیکھ کر محسوس کیجئے

 

آخر میں‌ سکول جاتے ہوئے بچوں کے ساتھ ایک سیلفی لی ۔

 

اس طرح آج کا سفر نامہ اختتام کو پہنچا

گزارش: زندگی کو ایسے جیو جیسے پہلے کوئی جیا نہیں اور مرو ایسے جیسے ہر کسی نے مرنا ہے – بوس گیم جینے تک کی ہے

 

میں چلا سونے – ساری رات ویب سیریز کے اسکرین پلے پر کام کرتا رہا – صبح کے 7:24 ہو رہے ہیں – جلد ملتے ہیں دوستوں – اپنا خیال رکھیں اور مجھے ہو سکے تو دعاوں میں یاد رکھیں –

میں ہوں سفر نامہ

یہ بات ہے سن 2011 کی جب میرے لاہور میں چار سال مکمل ہونے والے تھے – میرے ماں باپ نے بہاولپور سے بھیجا تھا گورنمنٹ کالج لاہور پڑھنے اور مجھے قسمت لے گئی پینجاب یونیورسٹی کے انسٹیٹوٹ کمیونیکیشن اسڈیز میں جہاں سے میں نے ایم -ایس فلم اینڈ ٹی وی میں کیا

چودہ اگست کی بات چل نکلی ہے تو میں چودہ اگست 2011 کو صبح اٹھا اور منہ ہاتھ دھو کر اندرون لاہور کا رخ کیا جہاں پر ناشتہ کرنے کے بعد میں نے کچھ  تصاویر بناہیں جو کہ اپکو دیکھانی ضروری ہیں ۔

مینار پاکستان کا منظر قابل دید تھا – رات بارش ہوئی تھی اور مینار پاکستان کا عکس پانی میں نمایاں تھا اور پرانے پاکستان کی اچھی بات یہ تھی کہ اس وقت لاہور میٹرو بس سے پاک تھا اور مینار پاکستان کو دور دور سے دیکھا جا سکتا تھا – چلیں چھوڑیں بھلا جگاڑی کا کیا واسطہ سیاست سے – اپکو ایک منظر دیکھاتا ہوں جو کہ پرانے پاکستان کے وقت لیا تھا- جب سوشل میڈیا اتنا عام نہیں تھا

اس مینار کے نیچے پولیس والے نے ایک جوڑے کو پکڑ لیا – دونوں نے ایک دوسرے کے ہاتھ پکڑے ہوئے تھے بعد میں پتہ چلا دونوں میاں‌ بیوی ہیں ۔ گجرانوالہ سے آئے تھے – اچھا ہوا نکاح نامہ لائے تھے ورنہ پولیس کی دیہاڑی بن جانی تھی اور مینار پاکستان خاموش رہا تھا ۔ جو قوم گونگی ہو اس کے مینار کیا بولیں گے – بھائی صاحب ہمارے پرانے پاکستان میں رشوت ٹھیک ٹھاک ہوتی تھی کیا آپ کے نئے پاکستان میں سب اچھا ہے ؟ یہ بھی بتا دیں کہ علامہ اقبال صاحب کا مزار پرانے پاکستان میں آئے گا یا نئے میں ؟ چلو رہنے دو – جس کو یہ نہ پتہ ہو کہ اس کا ووٹ کس پولنگ اسٹیشن میں تھا اس سے یہ سوال پوچھنا جرم ہے اور میں ایسے جرم کا مرتکب نہیں ہونا چاہتا- چلیں یہ تصویر دیکھ لیں‌ پھر اگے چلتے ہیں –

 

پرانے پاکستان میں بھی اقلیتوں کے ساتھ اچھا سلوک نہیں کیا جاتا تھا – یہ برا سلوک کون کرتا ہے مجھے علم نہیں مگر ہماری ایک سکھ بھائی سے ملاقات ہوئی اس نے خوب عزت کی اور میں نے ایک تصویر کی فرمائش کی تو انہوں نے خوبصورت پوز دیا جو میرے کیمرے نے فٹ کر کے کیپچر کر لیا ۔ 7 سال ہو گئے سکھ بھائی کا نام بھول گیا مگر اس کی تصویر اپ دیکھ لیں۔

سچ پوچھیں تو انسان ہم اچھے ہو گئے تو مسلمان خود با خود
اچھے ہو جاہیں گے – میں زرا تصویر ڈھونڈ لوں ۔
میرے بلاگ کے بارے میں یارو رائے دیتے رہنا-
لو جی تصویر مل گئی-

مینار پاکستان نے آج سوچا ہو گا کہ نیا پاکستان مجھے اپنے حصے میں کرے گا یا پرانا پاکستان ۔مگر سننے میں آیا ہے کہ کوئی مینار پاکستان کو اپنے حصے میں شامل نہیں کرنا چاہتا کیونکہ ہمیں کیا اس بت سے ؟ سچ میں یہ ایک بت کے سوا کچھ نہیں
واپسی پر میں پریشان تھا کہ اب لاہور کو چھوڑ کر چلا جاوں گا مگر میں نے ایک تصویر ایسی بنائی جو آج بھی مجھے یاد کرواتی ہے کہ انسان کی عادات جانوروں اور پرندوں میں کیسے آئیں -تصویر دیکھ لیجئے گا اور خود اس کو کیپشن بھی دے دیجئے گا ۔

 

سچ پوچھیں تو ہم اصل والا پاکستان بیچ ائے ہیں – اب تو بس خانہ پوری ہے جو پاکستان کو بھی ایک امید دلا رہے ہیں ” جیوے جیوے پاکستان ” ۔ کیا یہ ملی نغمے ہم کو یہ درس دیتے ہیں کہ کسی بے گناہ کی بیٹی کو زندہ جلا دو۔ کیا یہ الفاط کی حد تک رہ گئے ہیں –  ہم پاکستان کو حاصل کرتے – نیا اور پرانا نوٹ ہوتا ہے ملک نہیں ۔ ماں بھی بھلا کبھی پرانی ہوئی ہے – دھرتی ماں ہوتی ہے – سوچئے گا ضرور – نیا پاکستان والوں کو جشن ازادی مبارل –

میرا پاکستان ہمیشہ زندہ باد رہے گا – آمین